Seeiʹnest lij räänn, aaʹlmest kuâstai _______
Piâʹnnjest lij seiʹbb, pååʹrd aʹlnn lij________
Liizast lij vuäʹbb, ǩeäʹnn ǩiõđâst lij________
Jueʹljest lij sokk, mon leäm vuäđđam_________
Põõʹrtin lie uus da oummin lie__________
Mij leäʹp kuuđâs da põʹrtt lij _______
Jääuʹrešt vuõjâd luõss, mieʹccest šâdd________
Koʹst ton ååʹrak? Täʹst lij muu _________
Ton leäk muu käiʹmm, eeunast lij________
Tät lij samâi tuõtt, ouggan lij__________
Jeäʹl viižž heibbad, mon haaʹlääm_________

Kaʹlddi: tooʹbdteʹmes

Laazz riimisään:
kääʹnn – sääʹnn
neuʹll – ǩeuʹll
preuʹnn – euʹnn
seiʹbb – leiʹbb
muõrr – nuõrr
käll – päll
äidd – päidd
tuõtt – muõtt
kueʹll – stueʹll
ååʹrak – kåårab
kuuđâs – oođas
käiʹmm – säiʹmm
heibbad – sueibbad
sokk – nokk
vuäbb – suäbb
räänn – mään

© Trad. Ns. Raija Lehtola

© ak. Miina Seurujärvi, ds. Maiju Saijets

Mekkâl rieʹ mnnj

Mekkâl rieʹmnnj eʹštt da ǩeeʹrjad
jiijjâz siõm tauʹlle.
Taull luõddni,
Mekkâl suõʹrggni.
Njuiʹǩǩii eeʹjj keäʹpper sizz.

© ak. Anarâškielâ kielâpiervâleh, ns.Raija Lehtola

Veärrlokkõs

Njuä´mmel huutt ǩii´tti.
Vuä´rrev mie´lǩliõggii.
Siõmlåådda pâ´sttmid pu´htte.
Pue´tted päärna poorrâd!

-Spä´sseb!-

© nk. Trad./ak. Heli Aikio, Raija Lehtola / ds. Maiju Saijets

Aagni Aaʹcciǩ aʹrvvtõõzzid Aanrest.

Ââʹliǩ âʹbrrčâʹlmm âʹǩǩââšš ââʹbr ááʹlmest.

Tiina Sanila-Aikio 2012

© Tiina Sanila-Aikio

Soorkõs huutt ǩeâtt,
põttsines sieʹjjat,
pooʒʒines porggad.

Oudd huutt tän päärnže,
tän päärnže, tän päärnže
da tän päärnže…
Leâʹša tät päärnaž kuâđđji notta!

Soorkõs vuõʹlji ođđ
huttčääʹʒʒ kääivast viǯǯâd.
Täʹst lij ǩeäʹdǧǧ,
täʹst lij vuäjj
da tääiʹben tõt käivv käunnˈji.

© Ns. vuämm nuõrttsääʹm mättˈtõsǩeeʹrjest

Ǩiõttpõõssâm-lokkõs
ns. Mirva Haataja, Pirjo Lotvonen, Lilja Pohjonen da Hilkka Semenoff 2012

Põõssâp ǩiõđid, põõssâp ǩiõđid,
põõssâp ǩiõđid muâilin.
Väʹlddep põmmai, väʹlddep põmmai,
koʹšǩǩeep ǩiõđid põmmjin.

© nk. Mirva Haataja, Pirjo Lotvonen, Lilja Pohjonen, Hilkka Semenoff / ds. Maiju Saijets

Ođđeeʹjjmäään eeʹjj alttad,
täʹlvvmannust čuâŋ čuâvv,
pâʹzzlâsttamannust peiʹvv juʹn päʹštt.
Njuhččmään pohtt njuučid,
vueʹssmannust vueʹzz šâdde,
ǩieʹssmannust lõõst muõrid,
sueiʹnnmannust lij vueʹssmieʹrǩǩeem.
Påʹrǧǧmään vuäǯǯ luâmʼmnid laaddâd,
čõhččmään juʹn šõõŋ kâlmmad.
Kålggmannust muõtt lij määddast,
skammʼmään pohtt puõllžid.
Rosttovmään lij eeʹjjest mâimõs.

Tiivt raajji: Heimo Semenoff

© Heimo Semenoff

Saađjam, saađjam muõrid
jõnn stookk cockkân.
Nitte nitte naa naa
muõrr veeʹrr

Siõrrâmvuäppõõzz:
Saađjam, saađjam muõrid
(paarr eʹštt šââʹldest ǩiõttlõõǥǥi, saaʹđje)
jõnn stookk cockkân

Nitte nitte naa naa
(ǩiõđ paajâs)

muõrr veeʹrr
(komman šaʹldda)

© ak. Heli Aikio – Ritva kangasniemi / ds. Maiju Saijets

Tät lij päärnäi åålgas mõõnnâmpriiddiǩ.

Maiʹd âlgg tueʹjjeed, ǩtõ tok piâzzčik?

Kaaunak-a keäʹpper?

Kaaunak-a ǩeâsttaid?

Kaaunak-a kähttan?

Kaaunak-a käʹmmid?

Leäk-a ååʹn kaunnâm puk pihttsid?

Sõrgg mij siõrrâp åuggan siõrid.

Mõõnnâp åålǥas, mõõnnâp åålgas

siõmmna ääiǥas!

© Ns. Hilkka Semenoff, Mirva Haataja, Lilja Pohjonen, Pirjo Lotvonen