Risseáidi -video

Sámemánáid kulturguovddáš Mánnu ja Anára beaivedivššuid mánát huksejit risseáiddi Sájos šilljui.
Govven: Heli Aikio
Čuohppan: Heli Aikio ja Maiju Saijets
Buvttadeapmi: Kuáti-prošeakta, Sámediggi 2015

Risseáiddiid leat ovdal geavahan boazobargguin duottarmáilmmis. Risseáidi leamaš geavahusas geasseáigge ja dat lei vuogas áidi miessemearkumiid oktavuođas.

-Dat lei eambboge dakkár mearkunáidi doppe duoddaris, muitala Petra Magga-Vars Sámi mánáidkulturguovddáš Mánus.

Rissiid lávejit stellet oavssit vulos guvlui ja deahtisin vai miesit eai čáŋa čađa. Geassit áidi lea deahtis go rissiin leat ruonas lasttat dievva ovssiid

Ságastallanfáttát govaid ja video vuođul:
Masa risseáiddi lávejedje geavahit?
Mas dat lei ráhkaduvvon?
Man muoras dat ráhkaduvvui?
Manin dat lei vuogas áidi?
Gosa dábálaččat risseáiddiid ráhkadedje?

© Sámediggi – Sämitigge – Sää´mte´ǧǧ