Dávjá jerrojuvvon gažaldagat

 

 

 

Man gillii Kuáti-materiálabáŋku lea?

Siidduid teakstamateriála lea vuođđooainnus buot golmma sámegillii, mat leat Suomas hállojuvvon. Videot ja jietnamateriálat eai vealttekeahttá leat oažžumis buot gielaiguin. Muhtun materiálat, maid sáhttá luđet, leat maiddái suomagillii.

 

Geasa Kuáti-materiálabáŋku lea oaivvilduvvon?

Kuáti-materiálabáŋku lea oaivvilduvvon vuođđooainnus árrabajásgeassima bargiide. Maiddái vánhemat sáhttet geavahit materiálaid.

 

Leago vejolaš juohkit materiálaid?

Materiála oažžu prentet ja geavahit friddja.

 

Oažžugo materiála geavahit gávppálaš dárkkuhusaide?

Materiála ii oaččo geavahit gávppálaš dárkkuhusaide.

 

Mo geavahit Kuáti ohcama?

Kuáti ohcama sáhttá geavahit njealji sierra láhkai.

Sátneohcamiin sáhttá ohcat ohcansániin.

Agi mielde sáhttá ohcat materiála, mii heive: 0-3-jahkásaččaide, 3-5-jahkásaččaide, 6-jahkásaččaide ja boarrásut dahje buot ahkásaš mánáide.

Temá-čuoggás sáhttá válljet temá, man mielde ohcá materiála, temát leat juhkkojuvvon oahppama oassesurggiid mielde: biras ja luondooktavuohta, mánná ja searvvuš, giehtadáiddut, ovdanbuktin, giella, matemáhtalaš jurddašeapmi.

Ohcama sáhttá geavahit maiddái jagiáiggiid mielde: dálvi, giđđadálvi, giđđa, giđđageassi, geassi, čakčageassi, čakča, čakčadálvi.

 

Gii sáhttá lasihit siidui materiála?

Materiála sáhttet lasihit materiálabargit ja giellabeassejođiheaddji. Lea goittotge sávahahtti, ahte árrabajásgeassima bargit sáddešedje materiálaid, ideaid ja rávvagiid, maid sáhttit lasihit Kuátii.