Sarritgáhkku

Teavsttat luđenláhkai:
Ráva: ds sarritgáhkku.pdf
Čálit dahje vurke iežat dihtorii

Rávvaga mielde sáhttá láibut maiddái sarritmuffinssaid

Ávdnasat
Vuođđu:
200 grámma vuodja dahje margariidna
2 dl sohkar
2 vuoncámoni
4 dl nisojáffut
4 teadjabastte dievva láibunbulvarat
2 teadjabastte dievva vaniljasohkkarat

Deavdda dahje bajildus:
1 lihttera sarrihat
2 dl suvrralákca
1 dl sohkar
2 vuoncámoni

Ráva:
Vuosttamužžan galggat fierrut soktan dipma margariinna/vuoja ja sohkkara. Dasa lasihat vuoncámoniid ovttaid mielde seammásgo go fierut. Dasto sehkket jáffuid oktii ja lasihat dáigái. Dáigi lea dál gárvvis ja dan sáhtát njuohtat spelle ala dahje gáhkkoforbmii.
Deavdagis lebbet vuos sarrihiid dáiggi ala. Dasto fierut komma siste suvrralávcca, sohkkariid ja moniid oktii. Dásses seaguhusa njorret sarrihiid ala. Dál gáhkku galgá bidjat uvdnii. Uvdna galgá leat 200 °C temperatuvrras ja basát gáhku sullii 30 – 40 minuhta.

© Sámediggi – Sämitigge – Sääʹmteʹǧǧ