112-beaivi 11.2.

Teavsttat luđenláhkai:
Infoteaksta 112-beaivvis: ds 112 beaivi.pdf
Sánit 112-beaivvis: ds dorvvolašvuohta.pdf

112-beaivi, ruovttusiidu: http://www.112-paiva.fi/

Ságastallanfáttát:
Go jođát seavdnjadasas geaidnoravddas, de mo don oidnošit buorebut biilavuddjiide?
Go vuoját duolbmansihkkeliin, de mo sáhtašit buoridit vuodjindorvvolašvuođa?
Go čohkkát biillas, de mo buoridat iežat dorvvolašvuođa?
Naba fatnasis, mo doppe galgá buoridit iežas dorvvolašvuođa?
Mo buoridivččet ruovttu buollindorvvolašvuođa?
Leago din geahčen buolliváruheaddji? Naba jáffočáskadeaddji dahje čáskadangovččas?
Leatgo goassige fitnan buollinčáskadanstašuvnnas?
Man ivdnásaš buollinčáskadanbiila lea?
Makkár biergasat buollinčáskadanbiilla leat?
Makkár jietna buollinčáskadanbiillas lea?
Makkár biktasaš buollinčáskadanalbmáin leat?
Mon ivdnásaš lea bolesbiila? Makkár biktasat bolesiin leat?
Makkár jietna lea bolesbiillas? Naba man ivdnásaš čuovggat bolesbiillas leat?
Maid boles bargá? Man dihte boles muhtimin bisseha biillavuddjiid?
Makkár ambulánsa lea olggosoaidnit?
Mas diehtá, ahte ambulánssas lea hoahpu ja ahte biillas lea buohcci fárus?
Makkár biktasat leat ambulánsa vuoddjis ja divššáriin?
Jus ruovttus šattašii buollin, man ii sáhte ieš čáskadit, de maid galggašii vuosttasin dahkat ja gosa galggašii riŋget?
Dalle jus lea heahtedilli, de virgeolbmot váruhit olbmuid almmolaš várramearkkain ja várradieđáhusain. Virgeolbmot testejit váruhanortnega juohke mánus. Leatgo goassige gullan dahje oaidnán dákkár várramearkkaid dahje váruhusa?

© Sámediggi – Sämitigge – Sää´mte´ǧǧ