Tyeppejum juovlâmuorâheervah

Luođđimnáál tiätuvuárháh:
Raavâ: ak tyeppejum juovlâmuorâheervah.pdf
Printii teikkâ vuorkkii tiäturân

Tyeppejum juovlâmuorâheervah
Tarbâšeh:
pippârkákkuvuormah
kárttudum ullo (eres ivnásiih)
pecisaibâ
čääci
vijđes litte
Tyeppejum täsnikovos já váimu. Iššeen kevttum pippârkákkuvuormâid.

Raavâ:
Liäšku lieggâ čääsi vijđes liitán. Lasseet čáácán valjeest pecisaaibâ.
Stellii tuoppimulo pippârkákkuvuormâ siisâ. Lasseet lieggâ saibâčääsi ulo oolâ já teedi ulo aalgâst várugávt já ruvvii talle korrâsubbooht. Ruvvii já teedi tyeje tassaaš ko ullo lii tuopânâššâm lavvâ. Puávtáh jurgâliđ tyeje nubijkulij já tuoppiđ tom meid nubepeln. Puávtáh loopâst väldiđ tyeje meddâl pippârkákkuvuormâ siste já tuoppiđ tom meid vuormâttáá.
Loopâst toidel tyeje vuáruluvâi kume já kolmâ čääsist vâi tot tuopânâš vala eenâb. Siämmást vuálgá meddâl paijeelmiärásâš saibâčääsi. Tipte tyeje kuškâđ já kiddii ullolääigi main tyeji heŋgâstuvvoo juovlâmuorân.
Oonâ: njuoskâtuoppimpargoin puávtáh skođâstiđ puđâldempeevdi pasâttâssehháin. Teippii seehah kiddâ piävdán vâi pevdi ij kierdâ lahtâvuođâst.

Raavâ: AMKP

© Aura Pieski Ns. Raija Lehtola