Hääʹsǩes kueiʹmm vuäʹnäd määtǩ. -Teʹl ǥo lij šiõǥ taaurõõzzin jååʹttmen, di mätǩǩ ååʹrr vuäʹnkubõn.
Jie leäkku peeiʹv pâʹjjlõõžži, leʹša lie ǩeäččlõõžži. -Tän sääʹnnväjjaž miârktõs lij čieʹlǩǩed stõ peiʹvv lij võl õõudbeäʹlnn še.
Kooʹtt lij ooccanj suukkâm, suʹst lie raaʹzžžes ǩiõđ.
Kuõʹhtt jõnn jie õõut siakk sizz čaaǥǥ. -Kuõʹhtt njäummai oummu jie kõskkneez piʹrǧǧe.
Njueʹss mäʹte teʹǩǩ tââʹrvest.
Ij nuʹt kuʹǩǩ štõ ij taarbaž võõnted.
Päʹrtt ij puäʹđ ǩeâll čeäpptest.
Pann pääkk, jiõčč vääʹʒʒ. -Nääit čieʹlǩet teʹl ǥu päärna leʹbe säʹttʼtok oummu pääkkat mâiʹd-ne viǯǯâd leʹbe viikkâd, di kuuitaǥ jiõčč feʹrttjak mõõnnâd.

© trad.

Sääʹnnväjjsivuiʹm lie oummu seʹlvvtam aaʹššid da juâkkam jeäʹrmmvuõđ. Tõk lie siirdšõõvvâm puõlvvõõǥǥâst nobba da tõivuiʹm lie vuäittam raʹvvjed aaʹššid leʹbe vuâmmšâʹtted oummid.
Tõin lie še peitt-tuõttvuõđ da tõk vueiʹtte leeʹd hääʹsǩ, tuõđla leʹbe viggteei. Sääʹnnväjjsivuiʹm laaʹvje še aaʹššid čiõʹlǧǧeed vuäʹnkânji. Sääʹnnväjjaz vuäʹppste, mäʹhtt ooumaž õlgg jieʹlled di mäʹhtt iǥâ da mäʹhtt ij õõlǥ tuejjeed. Tõivuiʹm vuäitt aaʹššid čeäʹlǩǩed siõmmna nuuʹbbnalla ǥu takai ǩiõlâst.

© Sámediggi – Sämitigge – Sääʹmteʹǧǧ

Sananlaskuista:

Idström-Morottaja: Inarinsaamen idiomisanakirja
Gaup, Káren Elle: Girjjo-Gárjjo, Muitalusat, máidnasat, sátnevádjasat, árvádusat ja diiddat.
Jođi lea buoret go oru, doaimm. Harald Gaski – Aage Solbakk
Kuokkanen, Rauna: Čáŋa gillii!
Itkonen, T.I: Suomen lappalaiset I

© trad.

Sananlaskuista:

Idström-Morottaja: Inarinsaamen idiomisanakirja
Gaup, Káren Elle: Girjjo-Gárjjo, Muitalusat, máidnasat, sátnevádjasat, árvádusat ja diiddat.
Jođi lea buoret go oru, doaimm. Harald Gaski – Aage Solbakk
Kuokkanen, Rauna: Čáŋa gillii!
Itkonen, T.I: Suomen lappalaiset I

© trad.

Sananlaskuista:

Idström-Morottaja: Inarinsaamen idiomisanakirja
Gaup, Káren Elle: Girjjo-Gárjjo, Muitalusat, máidnasat, sátnevádjasat, árvádusat ja diiddat.
Jođi lea buoret go oru, doaimm. Harald Gaski – Aage Solbakk
Kuokkanen, Rauna: Čáŋa gillii!
Itkonen, T.I: Suomen lappalaiset I

© trad.

Nueʹttep
Vedetään nuottaa
ns. Sanila-Aikio, Tiina

Nue´ttep, nue´ttep
Jiânnai kue´lid kå´ddep.
Ka´sse vuâskknid,
Piânnǥa vue´šnid,
Äkka võõrâs kuu´ǯid.
Tuõlbâs kue´lid kaaupšep,
Da sääu´res kuâlaid pä´šttep.
Beâddaa, åå´n muäna lõckknep!

© nk. Tiina Sanila-Aikio/ak. Heli Aikio, Raija Lehtola / ds. Maiju Saijets

Tõn tie´đni ǩii-lokkõs
Katri Fofonoff

Vuä´rrev noori paaccǩid.
Ruâkksâjja viiǥǥi.
Täälvas porrmõõžžid ruõkki.
Kaauni-ǥo vuä´rrev
ruâkksõõ´jid tälvva?
Tõn ij tie´đni ǩii.

© nk. Katri Fofonoff/ak. Heli Aikio, Raija Lehtola / ds. Maiju Saijets

Tääʹvtam tääʹvtam

Tääʹvtam
tääʹvtam
tääʹvtam
poppââttam!
Siõm jueʹlǧǧsuõrmit.
Õhtt, kueʹhtt, koumm,
nellj, vittt…lie taaurõõžž täst.

© ns. Pirjo Lotvonen/ak. Heli Aikio – Raija Lehtola /ds. Maiju Saijets

Neaʹttelpeiʹvvlokkõs

Vuõssaarǥ vääʒʒam Vääʹsǩin.
Mââibaarǥ mainstam Määʹrjin.
Seärad siõram Semmnin.
Neljdpeeiʹv njuärstam Nääskin.
Piâtnâc pirstam Paavvlin.
Sueʹvet sueibam Såållain.
Pâʹsspeeiʹv påǥstam Peâttin.

© nk. Sanila-Aikio, Tiina/ak. Raija Lehtola