Elsa Laula Renberg šoddâmpeivi 29.11.

Kuovâmáánu 6. peeivi 1917 tollui Taažâ Truándimist vuossâmuš sämmilij čuákkim, kuus lijjii čokkânâm tave- já maadâsämmiliih. Čuákkim aneh sämmilij tave-eennâmlâš ohtsâšpargo algân.

Čuákkim čuákánkoččon lâi nissoonjornijdume ´Brurskanken samisk kvindeforening´, mon njunosist tooimâi aktiivlâš vaikuttutteijeenissoon Elsa Laula (1877 Tärnaby -1931 Mosjøen). Elsa Laula lâi algâaalgâst Ruotâ sämmilâš, já ko te naajâi Tomas Renbergijn Taažân, tubdui suhânoomáin Laula Renberg. Elsa Laula lâi jo ovdeláá vaikuttâm aktiivlávt sämmilâš servitooimâ älgimân. Sun lâi ive 1904 Ruotâst vuáđudum vuossâmuu sämiseervi, Wilhelmina-Åsele sämiseervi, saavâjođetteijee. Elsa Laula Renberg vaikuttij aktiivlávt sämiseervi šoddâmân meid Taažâst, kost vuáđuduvvojii vittâ sämiseervi iivijn 1906–08, toh-uv Ruotâ vyevi náálá maadâsämikuávluin.

Ive 2017 Elsa Laula Renberg šoddâmpeeivist šoodâi säämi liputtempeivi.