Veärrlokkõs

Njuä´mmel huutt ǩii´tti.
Vuä´rrev mie´lǩliõggii.
Siõmlåådda pâ´sttmid pu´htte.
Pue´tted päärna poorrâd!

-Spä´sseb!-

© nk. Trad./ak. Heli Aikio, Raija Lehtola / ds. Maiju Saijets

Aagni Aaʹcciǩ aʹrvvtõõzzid Aanrest.

Ââʹliǩ âʹbrrčâʹlmm âʹǩǩââšš ââʹbr ááʹlmest.

Tiina Sanila-Aikio 2012

© Tiina Sanila-Aikio

Soorkõs huutt ǩeâtt,
põttsines sieʹjjat,
pooʒʒines porggad.

Oudd huutt tän päärnže,
tän päärnže, tän päärnže
da tän päärnže…
Leâʹša tät päärnaž kuâđđji notta!

Soorkõs vuõʹlji ođđ
huttčääʹʒʒ kääivast viǯǯâd.
Täʹst lij ǩeäʹdǧǧ,
täʹst lij vuäjj
da tääiʹben tõt käivv käunnˈji.

© Ns. vuämm nuõrttsääʹm mättˈtõsǩeeʹrjest

Ǩiõttpõõssâm-lokkõs
ns. Mirva Haataja, Pirjo Lotvonen, Lilja Pohjonen da Hilkka Semenoff 2012

Põõssâp ǩiõđid, põõssâp ǩiõđid,
põõssâp ǩiõđid muâilin.
Väʹlddep põmmai, väʹlddep põmmai,
koʹšǩǩeep ǩiõđid põmmjin.

© nk. Mirva Haataja, Pirjo Lotvonen, Lilja Pohjonen, Hilkka Semenoff / ds. Maiju Saijets

Ođđeeʹjjmäään eeʹjj alttad,
täʹlvvmannust čuâŋ čuâvv,
pâʹzzlâsttamannust peiʹvv juʹn päʹštt.
Njuhččmään pohtt njuučid,
vueʹssmannust vueʹzz šâdde,
ǩieʹssmannust lõõst muõrid,
sueiʹnnmannust lij vueʹssmieʹrǩǩeem.
Påʹrǧǧmään vuäǯǯ luâmʼmnid laaddâd,
čõhččmään juʹn šõõŋ kâlmmad.
Kålggmannust muõtt lij määddast,
skammʼmään pohtt puõllžid.
Rosttovmään lij eeʹjjest mâimõs.

Tiivt raajji: Heimo Semenoff

© Heimo Semenoff

Saađjam, saađjam muõrid
jõnn stookk cockkân.
Nitte nitte naa naa
muõrr veeʹrr

Siõrrâmvuäppõõzz:
Saađjam, saađjam muõrid
(paarr eʹštt šââʹldest ǩiõttlõõǥǥi, saaʹđje)
jõnn stookk cockkân

Nitte nitte naa naa
(ǩiõđ paajâs)

muõrr veeʹrr
(komman šaʹldda)

© ak. Heli Aikio – Ritva kangasniemi / ds. Maiju Saijets

Tät lij päärnäi åålgas mõõnnâmpriiddiǩ.

Maiʹd âlgg tueʹjjeed, ǩtõ tok piâzzčik?

Kaaunak-a keäʹpper?

Kaaunak-a ǩeâsttaid?

Kaaunak-a kähttan?

Kaaunak-a käʹmmid?

Leäk-a ååʹn kaunnâm puk pihttsid?

Sõrgg mij siõrrâp åuggan siõrid.

Mõõnnâp åålǥas, mõõnnâp åålgas

siõmmna ääiǥas!

© Ns. Hilkka Semenoff, Mirva Haataja, Lilja Pohjonen, Pirjo Lotvonen

Vuejjamlokkõs

Aautâst lij stuʹvrr koin stuʹvrrjam nääit.
Mokkad, mokkad mon vuejjlam ǩiʹrrsed.
Kooʹlež tõk joʹrre ǥo gaasstâm,
looppast mon kuåccâm da muʹrddlââddam

Siõrrâmvuäppõõzz:
Ǩiõđâst vuäitt leeʹd siõrraaut stuʹvrr leʹbe miõlljuurdstuʹvrr.
Vueʹjeen väʹzze da maʹnne õõudårra mokkad, mokkad. Kuåʹcceen åʹrste da muʹrddlâddmen põõđlâs väʹzze.

Aanrõšǩiõlle raajjâm: Heli Aikio
Ns. Raija Lehtola

© Heli Aikio

Ruõcc säʹmmlaž Anders Fjellner (1795 – 1876) mušttu ǩeʹrtuum mainnâz vuâđald rajjum jiõnnliântt tõʹst, koʹst säʹmmla lie puättam.

Lookki: Kirsti Länsman
Oʹhjjeei: Kauko Mustonen
Puutteei: Sääʹmvuuʹd škoouljemkõõskõs

Laadd jiijâd ââʹnnmõʹšše teeʹkst vuäʹljesbeäʹlnn.

© Sogsakk, Sámediggi – Sämitigge – Sääʹmteʹǧǧ

Laadd jijjâd ââʹnnmõʹšše vuäʹljsbeäʹlnn:
ns rõttsaam kååddeǩ maainas.pdf
Printte leʹbe ruõkk

Maainâs: Miina Seurujärvi

Saǥstõõllâm ääʹšš:
Måkam vueʹđđemsââʹj kaampâr ooʒʒi?
Mäkam vueʹđđemsââʹj kaampâr kaauni?
Mõõk jeeʹres jieʹlli kauʹnne seämma vueʹđđemsâʹjja?
Kâʹll jieʹlli kååddǩest lopp-looppâst leʹjje?
Mõndiõtt kaampâr suutti?
Mäʹhtt looppâst ǩiâvi?

© Miina Seurujärvi