Ouddpeâmmplaanâst (2022) lååkk, što päärna âʹlǧǧe ouddpeâmmast piâssâd aiccâd da fiʹttjed jiijjâz pirrõõzz. Ouddpeâmm õhtt täävtõs lij, što päärna peäʹsse tobdstõõttâd matematiʹǩǩe aiccâm da siõrrâm pääiʹǩ. Päärna še mättje ǩiiddted vuâmmšummuž peeivlaž tååimai seʹst da âʹlddpirrõõzz haaʹmid, mieʹrid da muttsid.

Ǩiõllpieʹzzi âʹlddpirrõõzzâst lie jiânnai vueiʹttemvuõđ tobdstõõttâd matematiʹǩǩe še. Õhtt šiõǥǥ ouddmiârkk lij kååvas. Kåvvsest lij jiânnai matematikk: hääʹm, vuäitt lookkâd kâʹll da tõʹst lij-i šiõǥǥ harjjtõõllâd matemaattlaž juurdčummuž. Seämmast päärna peäʹsse še mošttjed kåvstõõllâmsaaʹnid.

Täʹst måtam ouddmiârk:

1. Kâʹll ruõttjed kåvvsest lie?
2. Måkam hääʹmm kåvvsest lij? Lij-a tõt kooumčiõkk? Naba kåvvaz låidd, lij-a tõʹst jorbb hääʹmm?
3. Mii haaʹmid kääʹmest, tollsââʹjest lij?
4. Kâʹll kääʹmmǩeäʹdǧǧed tollsââʹjest lie?
5. Kâʹll jorbb hääʹmmed kåvvsest lie? Ouddm. kääʹmm (tollsââʹjj), kääʹmmǩieʹđj, reäʹppenreäiʹǧǧ
6. Måkam hääʹmm kååvasuusâst lij?
7. Kâʹll câʒʒled leʹbe cââʹʒʒelmuõrrâd lie?
8. Lie-a ruõtti vuäʹniǩ avi kuuʹǩǩ?
9. Kâʹll låiddad kåvvsest lie?
10. Vuäitt še lookkâd, kâʹll tueʹlljed lie dno.

Sääʹn: Ruõtti, kååvas, kääʹmm / tollsââʹjj, kääʹmmǩieʹđj, reäʹppenreäiʹǧǧ, kååvasuhss, câʒʒal / cââʹʒʒelmuõr, låidd, tueʹllj