Merja tiivt

Peiʹvv
Peiʹvv lij eettam
ǩiđđ puättam,
leâʹša koozz jäukk, peeivaž täälvas,
koʹst tõt ǩeâđđa eett?
Säʹpplee pieʹzzest.
njuäʹmmel njääʹlmest,
puõccu čuäʹrvest,
nuʹǩǩež čååuʹjest.
ceeʒʒa laullʼjest,
kuõbǯ kuäʹmmrest,
reepp jueʹljest,
riiʹmj viõʹlǧǧes seeiʹb ǩeeʹjjest,
tõʹben eett peiʹvv ǩeâđđa!

 

Muuʹšt
Meäcca mõõneen muuʹšt:
Suõjjâd luâđ, jeäʹl rooskid kueʹđ!
Piij maddu pâi porrmõõžid määđaid,
jeäʹl nåkkmid mii šõddad meäʹccjieʹlljid
päärtaid.
Steehlpoʹttel, straang da tâʹnnpuurk
jie luõttu kuul, jeäʹl meäcca viiǥǥ
ni vuämm stuuʹl.

 

Pihttaž
Päiʹdd, puus, keäʹpper, vaacc,
koozz-šât vueʹlǧǧääm leʹččem šaarf!
Vuõddi, vuõddi, neiʹbb puäkknja,
sookk juâlgga, koʹst lij paar!
Ååʹn lij vaalmâš, ij šõõdd kõõlmâs,
čaustõk vuälgga, pâi motorǩeâlk seälgga!

 

Puäʒʒooumsaž
Vueʹsttpiõʹǧǧe, piõgg mieʹldd
uʹcc puäʒʒooumaž ǩeardd.
Čiõǥǥâr vuârdd, čiõǥǥâr vuârdd,
puäʒʒooumaž puõccees sueinid kuâdd.
Rââst jääuʹr viõr tuâkka
puõccu oummu vuâstta vuäkka.
Čiõǥǥâr vuârdd, čiõǥǥâr vuârdd,
puäʒʒooumaž puõccees sueiʹnid kuâdd.

 

© Merja Fofonoff

ns Merja tiivt.pdf