Muohtabáccit

Báccit: Sámi oahpahusguovddáža oahppiid ráhkadan muohtabáccit SOG šilljus giđđat 2016
Muohtateáhter: Anára skuvlla mánát dálvit 2016

Ságastallanfáttát:
Makkár muohtabácciid don leat oaidnán?
Gos don leat oaidnán muohtabácciid?
Gii daid lei ráhkadan?
Leatgo ieš ráhkadan muohtabácciid?
Naba leatgo ráhkadan muohttagis muohtastálu, muohtaealliid, muohtašloahta?

Viŋkkat:
Buoremus muohtabázzemateriála lea easkka muohttán muohta, vahca. Muohttaga gánniha čohkket ovtta sadjái moadde beaivvi ovdal go dainna áigu bargagoahtit dasgo muohta geargá dalle deaddašuvvat čoahkkái.
Muohta lea vuogas materiála dasgo dat lea juohke dálvvi oažžumis.
Hutket ovttas, ahte makkár muohtabáhcciid háliidivččiidet ráhkadit ja sárgot dain govaid. Muohtabácci ráhkadeapmi gáibida ovddalgihtii plánema ja ovttasbarggu.
Muohtabácciide galggašii vuos ordnet foarpma, masa muohta biddjo garrat ja das sáhttá dalle vuollat muohttaga eret ja hábmet dakkár bácci go háliida. Unna bácciide dohkke vaikko fáhtta dahje spánnjage.
Muohttaga ii gánnit njuoskadit dallego lea ráhkadeamen muohtabácciid.
Boađus lea dehálaš, muhto maid doaibma ja ovttas bargan.

Govas Anára skuvllalaččat ráhkadit alccesit muohtateáhtera Skábmagovaide. Barggu ordnii turismabálvalusaid buvttadeaddji oahppi Eeva Mäkinen, guhte maid govvii bargobáji. Bargobáji ovdáneamis šattai govvačájáhus Sajosii.