Muorjedikta

Dikta: Heli Aikio

Davvisámegillii heivehan Maiju Saijets

Jeaggegáddái reisen, luopmániid mun čoakkán.

Dat gal somás hommá lea.

Balssas balsii mun njuikestan

ja eappir fargga dievva lea.

Fiskesruoksat,

dimis ja njálggis,

dakkár lea luomi,

dakkár lea luomi.

Vuovddis masa ásan, sarrihiid mun ozan.

Dat gal somás hommá lea.

Guolbanis mielas duolmmadan

ja eappir fargga dievva lea.

Devkesalit,

jorbbas ja buorre,

dakkár lea sarrit,

dakkár lea sarrit.

Meahcis dávjá jođán, joŋaid doppe čoakkán.

Dat gal somás hommá lea.

Čakčamánu ruškkis návddašan

ja eappir fargga dievva lea.

Obban ruoksat,

suvrris ja rihča,

dakkár lea jokŋa,

dakkár lea jokŋa.