Arâšoddâdemvuáváámist (2022) eteh, ete párnááh kalgeh arâšoddâdmist peessâđ aiccâđ já iberdiđ jieijâs pirrâs. Arâšoddâdem ohtân ulmen lii, ete párnáán peesih uápásmuđ matematiikân aiccâm já sierâdem peht. Párnááh meid uáppih kiddid huámmášume piäiválij tooimâi siste já aldapirrâsist haamijd, meerijd já nubástussáid.

Kielâpiervâlij aldapirrâsist láá-uv meid ennuv máhđulâšvuođah uápásmuđ matematiikân. Ohtâ pyeri ovdâmerkkâ lii láávu. Láávust lii ennuv matematiik: häämih, puáhtá rekinistiđ kalle já tast lii-uv pyeri hárjuttâllâd matemaatlii jurdâččem. Siämmást párnááh peesih meid muštâččiđ lávustâllâmsaanijd.

Taa motomeh ovdâmeerhah:

1. Kalle lávumuorâ láá lávuriggest?
2. Maggaar häämi láávust lii? Lii-uv tot kuulmâčievâg? Nabai láávust tot “vuáđđu”, lii-uv tast jurbâ häämi?
3. Mii haamijd arânist lii?
4. Kalle keeđgi láá arânist?
5. Kalle jurbâ häämi láávust láá? Om. aarrân, reeppinkräigi, aarrânkeeđgih
6. Maggaar häämi uuvsâst lii?
7. Kalle uskepervid láá?
8. Láá-uv lávumuorah uánihááh vâi kuheh?
9. Kalle luáidu láávust láá?
10. Puáhtá meid rekinistiđ kalle tyelji láá jna.

Säänih: Lávumuorâ,  lávuriggee, aarrân, aarrânkeeđgih, reeppinräigi, uksâ, uskepervid, luáidu, tyelji